Yn sgil y gwaith cychwynol fe sefydlwyd Cymdeithas Pen y graig sydd wedi bod yn gyfrifol am weithgareddau’r Ganolfan megis arddangosfa Canolfan Hanes Uwchgwyrfai am Lwybr y Pererinion a’r digwyddiadau cymunedol. Y Gymdeithas sydd wedi cymeryd y cyfrifoldeb am y gwaith sydd wedi digwydd o dan nawdd y cynllun Gwyliau Cymraeg a Phecynnu’r Profiad gan Gyfeillion Llŷn a PEG Gwynedd.
NOD/AMCANION: CYNYDDU DEFNYDD A PHERCHNOGAETH O’R GYMRAEG
- Codi ymwybyddiaeth o werth ein treftadaeth/iaith a’r cyfrifoldeb sydd arnom i gyd i’w warchod.
- Rheoli datblygiadau a gweithgareddau Canolfan Pen y graig.
- Hyrwyddo a chyflwyno’r iaith, y diwylliant a chelfyddyd Gymraeg a Chymreig i ymwelwyr a phobl leol ar y we a thrwy drefnu –
- Gweithgareddau cymdeithasol Cymraeg.
- Gweithgareddau arbennig gyda dysgwyr ar gyfer ymarfer yr iaith.
- Gweithgareddau hanes lleol er mwyn creu ymdeimlad o berthyn o blith y gymdeithas gyfan.